https://www.youtube.com/watch?v=XTcFF8FyXSo  自爆算命佬叫推遲服兵役 李昇基搞gag 一係踎監,一係當兵~~都是廣東話XDD, 不過為了慶祝是小妍親辜做的報導, 在此特別PO文, 恭喜成為記者^^ (視頻提供 Good News)

 

翻譯小妍(親愛的小妍現在正式當記者了, 超棒, 加油!!)

 

《花漾爺爺》、《三時三餐》製作人羅瑛錫PD又有新搞作!由李昇基、薑虎東、殷志源以及李秀根出演、於中國西安拍攝嘅全新綜藝節目《新西遊記》昨日於喺網絡首播,喺中國、韓國網站已經累積近1900萬點擊率,認真犀利!

既然喺網絡播放,李昇基亦學足網民,用代號「汝矣島離婚男」、「上岩洞賭博男」嚟稱呼殷志源以及李秀根,而殷志源好快就適應呢種手法。反而平時喺節目度放得好開嘅「國民MC」薑虎東就完全適應唔到,仲俾李昇基笑佢一下子變得好渺小呀!

由於節目唔會喺電視台播放,主持可以放得開啲,李昇基甚至連服兵役都拎埋出嚟講。李昇基提到自己去咗算命,師傅話佢今年運勢是好壞參半,出年就會行運。但李昇基話出年要服兵役,算命師叫佢推遲少少。於是李昇基就總結話:「總要去一個地方的,要不去監獄(不服兵役有機會被拉去坐監),要不去軍隊,就這兩個地方二選一了。」爆炸性嘅發言令到薑虎東嚇咗一跳,仲話要向佢好好學習,相當搞笑!

叫得《新西遊記》,4位主持亦要分別飾演原著中的唐僧四師徒,當中最百厭嘅孫悟空就被定為係最「罪孽深重」嘅李秀根。之後主持們就去到西安開始第一個,亦係決定其他3人角色嘅任務。喺一個人生路不熟、語言又不通嘅地方,加上佢哋嘅手機亦都係強制被用淨10%電力,呢個任務就梗係笑料百出啦!至於任務結果如何,就要下回分解喇!

正文來源: http://facepop.nextmedia.com/realtime/news/20150905/54170816 

 

    文章標籤

    李昇基 新西遊記

    全站熱搜

    巧克力泡芙 發表在 痞客邦 留言(0) 人氣()